話說今日致電可口可樂公司，訂購飛雪礦泉水…

藍：唔該我地公司想訂水
人：好，請問地區係？
藍：太子區
人：太子區係 TAI C … ?
藍：…………太…子…區…喎…
人：咁係咪 TAI CHI?
藍：太子係 Prince Edward…
人：P..r..i..n..e..E..w..o..r..d..
藍：係 P..r..i..n..c..e..E..d..w..a..r..d …
人：好，香港島果邊既係咪？
藍：太子晌九龍區…

人：請問訂細水機定係大水機？
藍：我要訂24支既支裝水…
人：即係細水機淨要水？
藍：我要水，唔係要水機，唔係要水機 D 水…
人：哦…咁你要 6 張水券，12張水券定係 24 張水券？
藍：我唔係要水券，我要 500 毫升支裝水…
人：嗯，明白既，咁你地街道係？
藍：彌敦道 XXX 號太…子…
人：得架喇有街道名就得
藍：啊？送貨地址另外入架？
人：下？你地送貨地址同公司地址唔同架？唔該講埋…
藍：唔係…我指你淨係有街道名，仲要送黎…我地大廈係太子既……
人：得架喇我地查到架喇
藍：除左大廈名仲有樓層喎…我地晌…（心想：我連公司名都未俾你！你查乜？）
人：得架喇冇問題~ 咁你未答我~ 你要 6 張定係 12 定 24 張？
藍：我…想…要…支…裝…水
人：哦，咁你頭先又話唔係水機 D 水？
藍：（好想反檯）唔…係…水…機…係一支支 500 毫升，水樽裝住既水…我要一盒24支果隻
人：哦，頭先問你 6, 12 定 24 囉 ……
藍：唔係水券…我唔要換，我要送黎既係水，一箱 24 支，我要 4 箱…
人：好 … 咁我地會安排送貨俾你架喇，多謝晒拜拜! (迅速收線)

可口可樂公司點樣做野架？
媽呀！！！我想要水呀呀呀！你送乜野俾我，咁多層你送去邊度呀！？

他：「如果你真係有做到既，佢唔會話佢發誓你冇做到！」
我：「如果我真係冇做到既，我唔會發誓話我有做到囉！」
他：「我唔知你啦，我只係想了解發生咩事者」
我：「要講既我已經解釋左，但你唔信我都冇辦法」
他：「我唔係咁既意思，只係我覺得件事唔會空穴來風無端端發生」
我：「你咁講無非都係想我承認我冇做到應該做既事者」
他：「我只係有果句講果句，佢真係堅持話你冇做到，咁佢冇錯喎」
我：「我都堅持我有做到啦，咁我都係無錯者；
　　　其實你都係想我承認係我冇做到，係我錯係我唔岩者，我冇野好講啦」
他：「咁你有做到人地唔會咁講丫嘛，我唔知你啦」

苦笑。

連基本信任同尊重都冇，何況係 Appreciation。

捱得辛苦唔緊要，但最重要既係，要捱得值得，活得開心。

訓訓下覺忍唔住晌度喊。
我真係唔知自己捱得咁辛苦，生活為乜。

人越大，越多包袱牽絆；
心中隱藏的事情越來越多，無法逃離。

因為很多因素，作出過很多沒有忠於自己的選擇，也是身不由己。
想要尋夢，想要尋找理想；但無法任性，不顧一切去做自己想做的事。

每每想要表達自己的理想時，得到的回應總是：
你不應該做這樣那樣，你應該是一個怎樣的人，你應該走一條怎樣的路…
其他的一概都是我不應該做的事，不論我多努力去證明自己的能力…

苦笑…從小，身邊每個人就教我該「怎樣」發奮去做人；
而我學到的，就只有怎樣發奮去做別人，做他們理想中的強人、偉人。

我也很想滿足別人的期望，但能力有限；
我曾經擁有的能力，那些曾經令我自豪的能力，正在一點一點的消失…
感到無能為力的同時，沒有人明白，只有不斷的壓迫。
因為在他們心目中，只是我不想去做…我懶得去做…
而沒有察覺，我真的很累…很累了。

我開始更覺自己一事無成，我什麼也做不了。

一直盲目的爭氣，為了什麼？為了一頭家；
卻又因為要爭氣，犧牲什麼？也是一頭家…
我是不是應該覺得自己很可笑？

要對得住自己，已經是一件不容易的事情。
何況，要滿足別人…

我很辛苦，但無人在乎。