有時候，我不知道是我影響了工作，還是我被工作影響了自己

我承認自己曾經因為疏忽而做犯過不少過錯
但我自問凡事只錯過一次，沒有重複犯上同一個錯誤
做錯過以後，亦有努力去改善以及彌補過失
但於別人心目中，只有記著我做錯過很多…很多
而別人做錯同一件事，則會說一句「人誰無過」

我討厭影響別人，但相信不確定時多問一句，總好過將工作做錯，帶來麻煩
我經常詢問，原來一直在別人心目中，代表著我什麼也不懂，什麼也記不住
而別人忘記一些事，得來一句「一時忘記不過是一件平常不過的事」
但我忘記每一件事，得來的，就是我又做錯一件事

我總覺得，做得好不必多說，寧可省點時間多多做事，知道的放在心中就好
但為什麼，只要我犯上很小很小的錯誤，旁人都要將它放到很大…很大
讓每一個人都知道，又一次一次的重複提醒著我，說著我做什麼也是錯

我知道自己已經進步了很多，只是用了比預期中多了點的時間
從一開始，我就知道自己的能力到哪裡，只是缺乏經驗
而工作經驗是靠不斷的失敗與錯誤之中累積過來的
當日我內心掙扎了一段時間後還是決定接受新的挑戰
因為相信自己的能力，因為對自己還有信心
但現在呢？我真的不知道…我不知道我應該怎樣做

我開始覺得自己彷彿白白的活了很多年，還要被身邊至親問到：
我諗書那麼多年，學到些什麼？我學過什麼？
我學過的又能讓我做些什麼？
我做過些什麼？我做對的又有些什麼？

也許，我過於將工作當成對自己能力的證明與肯定
遇到一次又一次的挫敗，能力一次又一次的被否定
有時候面對著很多無理得應該令人氣憤的事情
我卻對自己沒有信心，覺得是自己沒能力，什麼也做不了

明知道旁人口裡說著會聽我的想法，但心裡早就認定了另一套
我想要為自己辯護又如何，心知一切只是多餘，不過浪費精神
也不願提起，因為知道情緒將會爆發，崩潰，然後一發不可收拾

還有不到一個月的時間，相信一星期內，需要作出重大的決定
苦笑，有時候連我自己也不能明白，我在拼命緊緊的捉緊著什麼？
到底我還在執著些什麼？

無法容忍身邊最親的親人受到傷害。
但為什麼，心情好複雜。

越來越憎恨一個人，卻越來越渴望得到他的愛。
而我，儘管是流著他的血，我們之間，卻很多時候連連陌生人也不如。

多謝米米、Anthony、Stephanie、Stephanie男友（唔記得左個名XD）、
四四、蘆葦、金比、哥哥、可瑜、Yan、Ricky、Caleb出席晌我屋企舉行既BBQ生日派對！

多謝 Ivan、Jennifer、Queenie、Gigi、Kenny 請我食飯…
再多謝 Camel 突登起身打長途電話俾我，多謝 Chinchi、Ashley、Doris、詩、貓…

Happy Happy ^_^

From 哥哥 – Birkenstock
　

From 小米 – Jun
　

From Ricky & Caleb – 怪獸公司毛毛
　

From Pasu – 曲奇餅 & 花
　

From Danny – 抹茶麻糬

是日出席了一個活動，幫 chinchi + 某台手…我地去到做攝影同記者。
場 show … 我真係唔知點形容好 … 一個歌手上台…唱完落台…第二個上台唱…
無主題…完全唔知晌度做緊咩…

是日因為有學生表演，有好多家長睇，
好記得Freeze 出場時…有人掩住個細路對眼離場…

未開 show 場內得 70 % 既人，個 show 未到 1/3 已經得返 50 % 既人
show 都未完就得返 30% 既人 ……

音響同燈光安排都算喇…

唔知點解 Fiona 會被安排去 Panel 做 unplug …
果棧大射燈唔知係咪想射盲 D 觀眾，或者叫 D 觀眾唔好睇…
仲要張繼聰都未唱完，早就安排 Fiona StandBy …
最後張繼聰仲唱緊但個個擰晒轉面冇人睇佢 …. 衝晒埋 Panel 度狂嗌 Fiona~
情況失晒控，有人爬欄，扯 Panel 線，推 Panel D 檯 ……
但係個工作人員只係企晌度「叫」D 人唔好爬…

搞笑在，我今日係 Press, 有 press 貼左晌身；
阿管理員同我講：「唔該影相唔好企晌身呀，會阻住後面睇 show 架」
下，咁好心你唔好安排 Press 晌果個位啦！大家已經 R 晒頭既時候…
朋友仔去廁所…管理員話「你唔可以離開記者席架喎！」下，Press 唔俾去廁所？
跟住我企晌度狂影部份紅星，管理員又話「你影兩張好喇，輪到下個上前影喇」
喂，同行如敵國阿哥哥，一向都係自己爭靚位死霸架啦！

總監晌兩星期前通知完 show 後有 Press Con，問左幾次好清楚：
完 Show 之後所有星晌一個地點，大家入到去自己執生，搵人訪問…
好啦，完 Show 我地入到後台，見到 20 個 Press 大家你眼望我眼…
班歌手晌台上影完相，冇幾耐唔見晒人喎；大家都迷晒…咪問人囉~
總監指我地入 Press Room, 點知發現裡面淨係得 Janice 同 Jill…

門口個 PR 姐姐問我地係邊度既，我地講完之後佢就 R 頭話冇人通知過佢喎~
我地問總監，叫埋總監黎，佢地既對話令到我地非常不滿囉…
總：「佢地係約左artist做訪問, 要take care 佢地喎」
PR：「下? 咩訪問呀? 走哂喇播」
總：「下? 走哂? 唔係press con咩」
PR：「下? 咩press con呀」
總：「咩呀..唔係話咩咩咩咩咩ga咩」
PR：「唔係呀, 無呀! 唔係咁咁咁咁咁咩」
總：「下? 我唔知喎!」
PR：「咁我都唔知喎!」

跟住阿總監先生同我地講：「哦，咁你地自便啦」跟住一支箭閃走左喇！

仲要上星期明明約左 D 相熟唱片公司的歌手做專訪…唔知點解會走埋架囉！
事後問起經理人，經理人話「大會叫我地走」！
跟住後來晌佢其他同事口中得知曾話過「哎呀唔記得左喎！」
算啦，之後話約佢補返個 Interview，F小姐，東先生、文小姐、FXMA 都約得返…
但係再約某 D 歌手時，佢答我「睇下你就唔就到我地個期啦！」
Well …. 你唔係咩野紅人 …. 有好多人直情唔識…
係我見大家相識一場幫手 Lur 返黎做既專訪…都算啦，俾幾個期佢揀…
佢話「我地好多野做架喎，夾唔到喎」…好似好耐都唔見有活動喎…忙咩呢？
跟住我已經好 Fed Up … 我話咁算啦由得佢啦 …
跟住晌人地口中聽返黎，佢晌度勁講我地壞話，話我地唔俾面佢喎！

唉！一肚氣…

CASE 1 – 在公司

某：「喂，我想問你地一個導師既資料，佢姓 X 既」
我：「你係晌我地中心報班，定係佢私人教？」
某：「佢私人教我個女，我而家要開支票俾佢，你俾佢全名我」
我：「唔好意思，因為佢係私人教，佢同我地租房咋，呢方面我地唔負責」
某：「而家唔係呢個問題，你地就算租房俾佢都一定有佢紀錄架？」
我：「我唔可以將人地既個人私隱亂咁俾人…不如你直接打電話問佢啦」
某：「佢晌你地度教緊人地，唔聽我電話，其實而家好少事咋嘛，問佢個名者」
我：「咁全名都係私隱黎者…」
某：「而家我唔係突登叫你犯法，都唔知你呢間咩鬼野垃圾黎，明明好少事，名咋嘛！」
我：「你都係直接問佢啦，佢而家仲上緊堂，或者你咁趕，我都可以幫你敲個門叫佢聽電話」
某：「而家唔係呢個問題，咁少事我唔明點解你要化到咁大？你咁樣做野聽炒尤聽執笠啦」
我：「…………」
某：「我都唔明，好少事咋嘛，講兩個字咪搞掂囉，搞到講咁耐電話做咩呢，都冇腦諗野…」（Cut線）

CASE 2 – 在的士上

我：「唔該旺角警署」
司機：「係咪橋底呀？」
我：「（心想：下…橋底即係邊度呀…）係……掛……」
司機：「正門定後門呀？」
我：「呃…我要近彌敦道同地鐵站多 D 果個門口囉…」
司機：「咁係咪即係正門呀？」
我：「係……掛……總之第二個路口先轉右，唔係大街果度囉…」
（去到目的地）
我：「咁呢度係咪即係正門？咁我下次會識講邊度…」
司機：「你擺明玩野啦，正門後門全香港人都識答啦！我睬你都傻…落車啦玩野」

喂，我識路就唔使搭的士啦！ XYZ(#^%*(#Q$^%Q%&(@^Q@$%*Q#%(#*%&(Q