今日去左睇宮崎駿個仔畫既《地海傳說》，唔好睇既 =.=" d 配音又怪，果個巫婆講野時我地全場都忍唔住勁笑…「噯唷，死左囉，真係慘」佢既語氣…令人勁無奈囉！

冇解釋晒 d 故事內容，好多好細微既情節又疏忽左，好容易令人覺得好奇怪。

爛到爆既 gag ： 「我話俾你知我真名丫」=0="

病左好多日，睇完醫生話我貧血，個中醫仲要話我個肝、腎、肺、腸、胃都有問題 =0=" 其實咁多問題都係源自上次感冒之後冇好好調理返身體。

又暈又嘔又反胃又頭痛，好鬼辛苦 =0="

好想訓一個大覺~ 不過要捱到 weekend ….. 好痛苦 =0="

今日同米米出街~ 是日收獲有 2 個鍊咀同 1 條鍊~ 睇中左好耐既鎖匙鍊咀終於被我買左落黎喇！仲有個十字架~ 好靚 ^v^~ 不過洗左好多錢啊 =0="

之後行過金魚街 …. 睇到隻深灰色既貓貓兔~ 佢個肚 dum 同埋手腳仔都係白色架！頭頂仲有個白色既彎月，超級可愛~ 又百厭喎~ 我同小米睇左勁耐……唔捨得走，但係又唔捨得買，因為佢個種靚 d ~ 所以比起其他仲要貴…

不過米米最後都係買左佢返屋企 ^|++|^ 而我就順便買左個行街袋~ 可以帶小葵去行街嚕！佢個份贈品想點呀，擺明俾龍貓仔食既，雖則都唔係全部唔食得，但要我逐粒揀出黎囉 =.="

先去左米米屋企食飯~ 米爸米媽米姐姐都好鐘意兔兔呀~ 呵呵~ 萬千寵愛在一身~ Smartie 好搞笑~ 又要八卦又要知道唔過得去，但係又要非常聽話咁坐定定唔郁 =P~

帶到兔兔返屋企~ 雖然話佢同小葵隔開左，但小葵望住我餵佢、大洗個籠，佢發晒脾氣 =0= 又唔睬我，又搵背脊對住我，撩佢佢仲要用後腳噠噠噠噠噠噠…小葵呷醋 =0=" 成晚要又抱又錫又餵野食又 tum 先肯理我 =3=" 至於新兔兔~ 極之百厭又八卦 =.=" 激到我嘔白泡~ 呵呵呵呵

對成為一個成功的兔奴越來越接近喇，每天以洗籠換木糠餵糧餵草清潔服侍兔兔為樂 =_="

榛榛 … 已經病左好多日，見佢日漸消瘦，我都好擔心。每日寧可返工遲到、唔夠訓…都要坐晌度個幾鐘頭餵佢食藥、迫佢飲多 d 水、食多 d 野，今朝出門仲要陪佢玩左陣，點知出到去，媽媽打電話黎話榛榛抽筋…呢個係脫水既症狀，仲要係太遲，幾乎冇得救。同小米搭的士趕返屋企，眼前既情景同幾星期前綠綠離開既一刻完全一樣。

心，好痛。

睇住小米一路喊，我都無能為力。同時間感到自己好奇怪，我個心好重好重，但係臉上並無一滴眼淚。綠綠既離開，小榛既離開，此時此刻每每想起都能夠令我感到思緒紊亂。或許，心臟承受到某個程度的時候，悲傷只能留於心中腦海中，臉上經已流不出眼淚…已不懂得什麼是哭泣…

心，好痛。

第一時間拎起小葵去抹身，然後再拎個籠同所有物品落去大清洗。對小榛不聞不問，或許小米會覺得我唔理小榛，而我只係諗，有好多野過去左已經過去左冇得救，而小葵有機會感染病菌，就應該襯佢未有事既時候好好打理，免得再多一件悲劇發生。況且，我相信呢個時候，無論係我定係佢，都唔想有人晌自己身邊提起。

哥哥同媽媽一路同我講我地唔晌屋企既時間，小榛點樣趴晌度，點樣掙扎，我真係寧可佢地唔好再講唔好再提。一隻兔仔離開前既抽筋慘況，十多年前我已經親眼望過，經歷過，承受過。但係佢地偏偏要一次又一次咁挖返出黎講。我冇出聲，亦都咩都唔想多講。

心，好痛。

由小榛生病既一刻開始，我花左好多好多心機同時間佢照顧佢，綠綠離開以後，我唔想再見到同一樣事情發生。雖然好似媽媽所講，我盡力照顧過，帶過佢睇醫生，有迫佢食藥飲水食野，已經對得住我同小榛…雖然我明白，由多日前起小榛既情況已經唔係好樂觀…雖然我明白，生命係如何脆弱…雖然我明白，佢或許經已脫離痛苦…但係點解，我付出過既每一分每一秒，只能令佢撐得住一星期…

每一日，我都一直抱住一個希望，我相信，撐多一日啦，聽日冇事，等小榛慢慢大個，就會自己好起黎。每一日餵藥，我都係咁諗，或者食多幾日藥就會冇事。每一次迫佢飲水，我都會諗或者佢飲埋今次下次自己會識去搵水樽，每一次迫佢食野，都會諗或者佢聽日肚餓自己會搵野食…一日又一日，小榛佢都好努力咁撐左好多日，直到今朝見到佢雙眼變白，身體發出惡臭，我依然都係盡全力照顧佢，希望有一日奇蹟會出現。

依然記得同小米路經商店時見到小榛，黑色既兔兔好可愛，仲有一個白鼻子，肚同頭頂都係白色。當晚小米買左落黎，並寄養晌我屋企。而其實有太多商店，為左可以吸引到人買兔仔，晌 d 兔仔 2 個月大 (或者甚至小於 2 個月) 既時候已經迫佢地戒奶，拎出黎賣，仲放出窗外俾途人任摸任抱！咁細既兔兔係好容易突然暴斃…我而家真係更加討厭呢 d 店舖。

可幸既係，我買小葵既店舖係一間大型連鎖店，睇住佢健康活潑咁走黎走去我都好安慰。但係今日小榛既離開，彷彿令到小葵患上抑鬱症…今日佢整日都呆呆坐晌度望住個天空，仲不斷想跳出黎，係咪掛住榛榛…？望住佢冇晒精神，冇咩胃口食野，冇咩 mood 去玩…我都好心 up …

小榛，知道你經已脫離病魔纏繞，唔再感到痛苦，心入面都有點安慰。

祝你晌天國活得快樂。

彩虹橋再會。

小葵已經好返，小榛你都要加油呀！聽聽話話食藥…
乖~ 媽咪同契媽都好擔心你架 >_<~