是日聽到幾個非常有趣既理論

01) 有一日，我聽左陳輝陽作既一首歌，Base on 佢個 Idea 黎再作多隻，然後我作果隻歌就可以寫住「作曲：海藍 + 陳輝陽」，因為個 Idea 係 Base on 佢隻歌，所以佢都有份作。

02) A 先生作左首歌，歌曲如下：「Do Re Mi Re Mi Re Do」。而 B 先生聽完覺得要改下喎，就改成：「Fa So La Ti La So Fa」，因為 B 先生係 Base on A 先生隻原曲修改，所以「Fa So La Ti La So Fa」既作曲人應該係 A 先生。

03) 當「Do Re Mi Do Re」經過一次又一次修改以後，變成了「La Fa So La So」，呢兩首仍然係一首一模一樣既歌曲，因為佢地既 Idea 既源頭都係一樣。

嗯…………我會嘗試努力理解。

我好唔明，身邊有好多人日日走黎呢度睇我日記，好多時，我明明唔係寫緊佢地，但佢地硬係會晌自己既日記度對於我既言論作出反擊既行動。

莫名奇妙，點解有咁多人鐘意搶住去認自己係衰人？

我真係諗極都好唔明…

一次又一次的受到傷害，卻因為我當你為朋友而沒有計較，甚至你遇上難關時我也盡力去幫助解決；然而，當有任何事情發生在我身上的時候，你卻於弄清楚事實與真相之前一口咬定是我所為；亦因為要自保而一次又一次犧牲別人。

我承認，你嬴了，在全世界面前還嬴得十分光彩，而我輸得一敗塗地。因為你徹徹底底的傷害了我。當你快樂慶祝時請勿想起我，因為我為你解決問題及防止有人破壞你的慶祝派對時，已經變得傷痕累累。當你再次遇上問題時，請勿要求我去幫助解決，因為那時候我經已再沒有力氣…

只向功名利祿而看，不理別人感受，懷疑與猜忌，不該是對待朋友之所為。
將所有開心留給你自己，將所有問題與傷心留給我。
向來承受的，完的，都是我一個。

或許，你會說一切一切都只是人與人之間言語上的誤會；
只是，這一個小小的誤會卻能令我看清楚你整個人。

而每一次你遇上難關時都會找我，但相反我遇上難題時你又往哪裡去了？
我還清楚記得，有很多時候，你第一個懷疑的，是我。
所以，以後再有什麼事情發生的時候，請不要再找我。

這次我努力的去偵查事實真相，我並不是為了幫你，而是為了我自己。
我要還自己一個清白，然後徹徹底底遠離你、避忌你。

當同類事情一次又一次的發生，也許我不應該再因為顧慮朋友之情而不去計較。
現時的我，真的很想說句：我受夠了！

夜晚訓左落床幾次都痛醒，唔想食止痛藥既野，始終都晌臨訓前食左兩粒，但係訓左廿分鐘左右都係痛醒…終於成個夜晚碌黎碌去，好快又天光要返工，正式訓過既時間好似一個鐘頭都冇。好累。

前幾日一直都係神經線果個位腫左未好返，而家好返喇，又輪到牙肉個傷口發炎。

今朝一起身就發覺自己發燒同嘔…以為係發炎作怪，點知睇醫生時話我都係因為尋日淋到雨而感冒。打左支退燒針，打埋支流感疫苗就返公司。

打針原來好得好快 O_o 成個下午我完全唔覺得自己係病緊；只係，傷口好痛…
點解剝牙都要開刀，點解傷口咁難好 =_=

夜晚去左沙田 Pokka Cafe 食飯，發覺現時好難搵到我食得到既野食…今晚食左個雞肉奄列飯，好正；佢杯奶茶用既茶包都好特別，真想知道係咩茶葉。