香港個手提電話一直都用 Sunday，上年 12 月已經因為人為失當，續約都好麻煩到我。仲要電話號碼有問題，搞到我一直俾同一批人騷擾左好耐，然後傾左 N 次佢地先肯免費同我改返個號碼…然後直到一月尾搞暫停服務，搞到而家五月都黎緊，都未搞掂…期間打左超過八個電話，仲要有幾個長途電話；下下都話會覆電話咪又係冇打過黎…然後授權俾朋友幫忙，終於整到喇，個員工話幾個月唔洗俾電話費住，直到我啟動返個台…點知今日媽媽同我講收到 d 追數公司既信話我呢幾個月冇交電話費！？有冇搞錯！？真係谷氣…

突然諗返起之前個電話號碼，雖然日日十幾個打錯電話，仲要明明話打錯都照樣日日打黎睇下搵唔搵到果個人，感覺似玩電話，但係諗返起我地既對話，都覺得幾搞笑…

某：「喂，唔該搵蔡鴻斌丫。」
藍：「打錯電話。」
某：「下？呢度冇呢個人呀？」
藍：「冇呀。」
某：「呢個號碼係唔係 xxxx xxxx？」
藍：「係呀，你自己查清楚先啦」

某：「喂？咦？又係你聽既…」
藍：「都話你打錯電話囉，…」
某：「唔係喎，蔡鴻斌係俾呢個號碼我架喎！」
藍：「點都好總之冇呢個人啦…」
某：「唔係哩，真係冇錯架喎…」
藍：「佢俾錯或者你抄錯又好，你再打黎都搵唔到佢架！」
某：「唔係哩，真係呢個號碼喎，你果邊真係冇呢個人？」
藍：「我會收埋左你個朋友咩！」（← 無奈 =.="）

今日要交既論文題目為「The Development of Music Therapy in China and its roots from traditional Chinese medication」，要寫四千字…

係咁搵資料，要睇《易經》、《樂記》、《黃帝內經》、《論語》…仲有好多心理學、哲學、科學等等既書，寫一份音樂論文要搞咁多野都幾辛苦。因為要不斷睇資料，仲要將 d 中文既資料翻譯做英文，所以通頂一晚過後，都唔係做得幾多。仲要直到朝早七點幾，唔覺唔覺晌檯面趴低訓著左兩次 =_=" 九點幾既時候已經搵唔到再多既資料，亦寫唔出再多既野 =_=" 可能因為眼訓得滯既關係，連吹水拉長黎講既氣力都冇…

十一點幾夠鐘出去交功課…最終都係得 2900 字…今次死得 =_=|||…仲要份野計 50 % 掭架…不過總算做左一堆野出黎，好過完全冇得交既…

明天要交的自選題功課，原來可以選擇不做十分鐘的 Presentation ，取而代之是二千字的論文。面對自己熟悉而有興趣的題目，很快就經已完成了。是次選擇的題目與樂器 Ocarina 有關，並比較中國的塤，台灣的陶笛及日本的壎。

記得差不多小學五年級的時候到日本旅行，無意中見到陶製的壎，當時好像價值港幣六百元，感覺好貴。於我不斷要求之下，母親終於買下來送給我。用了一個月的研究及自學，總算完全理解它的指法及變化，而至今它仍是我最喜歡的樂器。往後幾年，於中國、台灣等地見到不同特色的塤，也不禁自己掏錢出來購買，家裡現在已有兩個來自中國的，一個來自秘魯的，三個來自台灣的，一個來自美國的以及一個來自日本的。

可惜的是我把他們放在香港，收藏的好好的，如果在我身邊的話，選擇 Presentation 後拿出來做示範會是一個非常不錯的主意呢！

面前放著堆積如山的功課，剛拿起來，心裡就覺得很抗拒，實在不想做 =_=" 星期一就開課了，星期二要交的總算經已做好，星期三要交的二千字題目還算容易…但星期四要交的四千字論文，我一點寫作靈感都沒有…資料又很難找，唉！然後下星期都有三份功課要交…怎辦？之前跟朋友一起去玩，到現在才有時間去做 =_= 一時間覺得超忙碌的說…下星期還有歌詞要趕著交貨，還有表演，還有好多好多以前答應幫忙的事情…怎辦 =_="

感冒還未全好，還要一直跟葉子互相傳染又傳染 =_=" 睡了好久還是覺得好累，才剛起床走動一下，轉頭就覺得想睡覺了，眼睛睜不開來…今天走路出去市中心，總是覺得腿輕輕的，全身都有點力不從心的感覺，只能好慢好慢的走。還有這幾天氣管的毛病又出來了，晚上睡覺時都覺得呼吸不順，還好身上帶著醫生開的藥，不過聽醫生說，這情況再壞下去的話就會患上睡眠窒息症了，有點擔心呢！

是日行程：　Heathrow Airport　→　Hatfield

在機場入閘前分別的片段，像錄影帶般一次又一次的在腦海中播放著。以捨不得的心情，等到他們的身影消失於目光才不得不離開。回家的途中，驟覺心緒繚亂，只好靜靜的望著窗外，不發一言。

回到家中打開房門，感覺空空洞洞。收拾房間時，拿著他們睡過的、坐過的、用過的…總教人心痛，淚水又再不聽使喚的流下來。我們共處的時光說長不長，說短不短，但每一刻都值得我去留戀。與朋友分別，感覺原來跟失戀差不多。

不過我相信，要走的始終會走，要留的始終會留。每個人都是生命中的一個過客，只是緣份讓不同的人於不同的時間重遇。因為曾經擁有，才有美麗的回憶；因為失去，才讓人學懂珍惜；因為離開，才會期待下一次的重聚。

可惜的是，兩個月後的重聚，也代表著另一個分離。

不論是英國還是香港，都總是教我難捨難離。