今日冇訓過…因為需要太早起身了。整返熱ｄ野食就出發去 Cmidi X’mas Party 2006。

去到之後，俾人點左我去香港童軍會…我拎住ｄ野又大袋又重，當時好唔知點算架！因為女童軍總會好遠…行下行下求救既時候，竟然俾我見到阿傑晌對面馬路喎！即時衝埋去叫佢幫我拎野啦，呵呵。

因為條路好長既關係，而又拎住咁重既野，最後我地都係搭的士過去既。

上到去之後，放低ｄ野食，跟住都唔知做乜好嚕…坐低冇耐，因為約左小米同RYJ食飯，所以就要走。同埋金比同阿傑一齊走，最後大家一齊去左旺角食飯。之後行左幾間商場，買左 i010 Xmas Party 用黎交換果份禮物。$15 ~ $ 20 真係好難諗架！不過又唔想買ｄ自己都唔鐘意既野送俾人。最後揀既，我都滿意既…雖然有ｄ唔等使，哈。

行左一陣，大家都倦，去左黑布街間 Cafe 飲野。點知坐下坐下大家都唔願郁。最後坐到晌果度食埋晚飯。因為我成晚冇訓過，又頻頻撲撲左成日，勁倦。食完野我唉住小米訓著左幾次…仲要因為唔夠訓，病左 =o=" 成晚狂打哈啾呀冇陰公，勁辛苦 >_<~

所以好快就閃人喇~ 返屋企中途完全昏迷咁晌架車度訓。訓到總站要司機叫我起身，好糯…

今日原本搭 12 點飛機，我知道今日好滿，但係兩個攝影人員都決定一齊黎搏一搏最後有位俾佢地一齊走。一去到，見到滿成咁，冇可能有位俾佢地，所以我都決定左自願改去六點果班機。做好手續，拎晒 d 賠償金同贈券之後，我搞 Check In 去六點果班機。點知呢個時候，突然八掛到因為太多人調，十二點果班有返個位…但係我已經改唔返轉頭。最後變左其中一個攝影人員用左我果個位走先。勁係無奈…

我同另外果個一齊等~ 用左張 coupon 叫左兩個加加加大 Burger King 餐，第一次見到咁鬼大杯野飲…Heathrow 冇野行，我地仲要推住 d 行李，實在好悶好悶…

四點半我入閘先~ 去左 Harrods 行~ 見到樣野好想好想買俾 RYJ … 但係最後因為某 d 原因冇買到 /_\。今日撞到好多 Shebbear 既新舊同學仔，行到邊撞到邊…但係我撞唔到同 Grace 一齊搭飛機呀 ┬_┬ 好唔開心！

上左機，坐我隔黎係一個好細個鬼妹仔，再隔黎係一個叫 Naomi 既香港女仔。個鬼妹仔佢坐坐下無啦啦晌度喊，嚇死我地兩個呀！俾紙巾佢又唔要，請糖佢食又唔食，俾玩具佢玩又唔理人…同佢講野，佢答又答得九唔搭八…最後我同果個香港人都冇佢咁好氣，唔理佢…哈！

搭搭下飛機，Naomi 無啦啦嗌我，問我讀咩。我答完佢讀音樂，佢突然問我，我係咪作曲填詞架…勁驚 =S 原來係因為隻錯愛，佢上網搵過我 d 資料同相，所以有點認得我…但係無啦啦咁問我，我都覺得好突然架…

返到香港媽媽接機，但係佢冇渣車黎，所以都係一齊搭巴士再轉的士返屋企。返到屋企掉低兩件行李，沖個涼換過衫，我又要趕出街喇！因為今日係 i010 制服派對 !!! 哈哈，一定要著行政套裝、校服、恤衫、Lolita，好正~！去左新之城等齊人~ 一路係咁俾人岐視…

之後廿幾人上左 Neway 唱 K~ 期間我同小米完全冇唱過 =P 係咁晌度玩~ 玩到 12 點正喇！有三個人生日~ 我地齊齊同佢唱生日歌~ 同埋切生日蛋糕~ 好高興呢！然後食下野，玩多陣，搞搞下搞到兩點九先走…

多得金比同傑少送我去小巴站，陪埋我等車。三十人等左半個鐘都可以冇架車黎架囉！返到屋企已經四點幾…第一次玩到咁夜先返，好在阿媽訓左覺唔知我幾點返到咋！=P

一直以來，心入面有一個感覺，至今感覺越來越強：就係我唔想咁快死。

人，永遠唔知自己幾時會離開呢個世界；除左患病以外，每日晌世界各地發生既意外都好多。有好多人，晌毫無心理準備底下，好快就離開左呢個世界。或者，佢地仲有好多野未做；或者，佢地好希望見多次掛住既人；或者，佢有好多野想安排好先走，但係都冇時間…

就算我要死，我都希望有三日時間，俾我見安排好家人、朋友既事，見晒所有我想見既人，交代晒所有野先走。但係，我而家唔想咁快死，係因為我畢生夢想，暫時仲未能夠實現。要實現呢個夢想，我需要錢同埋學好多野，所以短期內我仲要好努力學習。我明白錢唔係一切，但錢，有時係間接實現夢想既野，同埋間接性解決好多問題。

同Norman傾開計，佢話：如果我成日諗住唔知自己幾時會死，咁 My mind is already dead。某程度上我同意，但係我答佢：因為知道唔知自己幾時會死，而每分每秒都為將來而努力，為求縮短等待既時間，亦可以俾到我生存既動力。

大家見我近排講既野，好似好多野諗咁。不過大家放心，無論受到幾大挫折同失敗，我都唔會放棄。就算我有幾唔開心，我打完字發完癲，我會企返起身繼續努力。打左咁多同死亡有關既字，好似嚇親人掭 =P 不過大家放心；我唔會死，亦唔想死，因為有更重要既事等住我去做。

前面仲有漫漫長路要走，就算滿是荊棘有幾難行，我由而家開始會做好準備。等住黎啦！
終有一日我會實現呢個夢想既！

站在分岔路的邊緣，該向左走？該向右走？還是轉身離開…

幫 RTHK 做 Music Documentary 既 Production Team 將會晌下星期飛黎英國搵我幾日，因為下星期我比較得閒。成個星期得星期一有堂上…今日返學上 Dave Smith 堂，順便拎左封公司信俾佢講下星期一既事…我行埋去已經係講：「我想問下你介唔介意，或者有咩野你 Concern 既？」點知佢一開口就勁惡囉，今日心情差到爆…佢係咁同我講道理，話唔想ｄ影野既人晌我上堂時做ｄ乜野，我咪同佢講，總之 Promise 唔會影響到我地上堂程序。Dave 都仲係非常態度唔好咁解釋，叫我自己逐個同學問佢地介唔介意…講左好多野，總之，我就好似俾人由頭鬧到落尾咁啦，勁唔開心…

之後問下其他同學仔介唔介意，或者有冇野想問，或者要我留意，然後出左 Town Centre 去銀行整 d 野，回程時都係返左 Uni 一趟，走左去見多次阿 Sir ，同佢講話 d 同學仔唔介意，起碼俾我影個 Rehearsal 丫，佢俾我影 Rehearsal，但係一提起可唔可以影佢個 Lecture 佢又發癲鬧多我一獲…

唔關我事架喎 >_< ! 人地都係走去「問」佢咋嘛，又唔係叫佢做野，鬧我做咩喎！

其實因為要個 Team 遷就我得閒既時間，我已經搞到佢地要由台灣做完野即刻飛過黎，仲呢頭落機果頭出去工作，仲要日日好趕咁走黎走去… They are on their way now …而家有變動我都通知唔到佢，況且通知左都太遲了。

我之前已經推左好多野冇俾佢地影，仲有好多變數，搞到我早左返香港，佢地被迫自己留多幾日。如果佢地黎到發覺連我上堂又冇得拍既話，真係會好失望，我都非常唔好意思喇。而且，Team 入面個女仔阿貞好好人~ 好 Nice，我知道呢次係佢第一次自己負責做導演，我真係好想幫到佢做到最好呀！

唉！個 Main Point 係，我無啦啦俾人鬧左一大獲果度灰嘛…

有好多人可以於生存時做過好多偉大既事，後世好多人都記得；但有更加多既人生存過，靜靜的離開了世界都冇人知，永遠亦冇人記得佢活過於世間上。

人生存既意義係咩？我唔知。或者因為每個人都唔同，冇一個特定既答案。但係因為冇人會知自己能夠生存幾耐，我每一日每分每秒都會努力向住目標前進，為求以我有既時間，實現我既夢想。呢個就係我生存既意義。

而我，晌呢個世界上留下過我既歌曲及歌詞。假如有一日我唔晌呢個世界上，我知道有人會搵到我既音樂，或者有人會記起我。音樂，見證我曾經存在過。努力左咁多年，直到今日都可以算係不枉此生。