I had a great time @ Font’s Halloween Party tonight~!!!

>﹏< 今年比上年少左人扮恐怖…不過多左 d 搞笑人！有 Lego Man、小丑、雞、消房員 XD
我同 Valerie 周圍同人地影相~ >﹏< 實在係 Great Fun ~!!!

我同 Valerie 戴左頂巫婆帽去呀！Sengdao 飲 Strongbow 拎左隻毛毛怪獸手套…約埋阿 Tim 之後入到去見到 Norman同佢 d Friends，之後 Calvin 都黎埋~ 佢地傻架=.=" 飲成七支／杯野飲… Calvin 個樣仲可以係冇反應 + 冇乜癮咁 =_=" 反而阿 Tim 就已經 Wing Wing 地 XD

今晚都算飲得唔多～或者係因為我全日淨係食左一個杯麵，再飲我一定醉…

玩左四個半鐘先走呀～！跟住行左去 ASDA XD 好出奇哩~ 凌晨兩點半走去超級市場，哈哈！走左去買左兩個南瓜燈呀～我睇左佢兩年幾 ><~ 都仲未捨得買…而家買左一個俾自已，一個幫阿傑買既～嘻！

平時我對學校 Font Bar 冇乜興趣，因為冇乜氣氛嘛，但係估唔到今日幾好丫！真係玩得好開心 ^_^

Love 05 情歌集

TRACK 03 – 他約我去迪士尼

主唱：陳慧琳 & KellyJackie
作曲：KellyJackie
填詞：許願庭 & 海藍 Joanna
編曲：張人傑

今日上朋友 Xanga 睇下，見到ｄ失散多年冇搵過既舊同學。不其然咁望晒成張 List，走入去識既人既 Xanga 度睇相。竟然見得返 Linda Li 、 Annie Chan 、 Ricci Tong … etc … 六七年冇見面，有好多舊同學個樣都係冇乜點變，但係就成熟左、靚左好多。

搞笑既係，有其中幾個問我：你好鐘意 Royals 架？你好鐘意 Kellyjackie？點解既？因為佢地見到我 MSN 個名寫住＊藍凝雪～海藍，顯示圖片係 Royals Logo。算吧啦 XD 我咪就係海藍囉~ 好出奇咩~

有機會真係想見返晒佢地，可惜大家唔熟… Msn add 返幾個傾左陣計，發覺大家既背景、生活已經相距太遠，一時間溝通上有ｄ困難…

而其實，我真係好懷念晌德望中學既時光…

唔知點解一路睇ｄ舊同學既 Xanga，感覺好大感觸…

如果當年繼續留晌德望，我會讀緊咩呢？我會做緊咩呢？當時一定冇選擇地揀文科讀到上中五，然後中六七會唔知自己想做乜野，唔知自己想讀乜野…或者，我未必會修 A Level Music，未必會入大學修音樂，亦未必會開始作曲填詞，到今日我可能以一個普通人，聽住 Jackie & Royals 既歌，但係自己置身其外，未能夠成為 Royals 的一份子。

如果有得俾我揀既話，我會想重頭黎過，因為晌德望入面有太多我後悔自己當年做過既事。我錯過左好多我珍惜既時光，失去左好多我好珍惜既朋友。真係連自己都唔明白，點解當時我要做好多我而家好後悔做左既事，點解當時處事咁唔成熟。但係，同時間我唔想失去而家我所得到既野。自《他約我去迪士尼》紅起之後，直到我創作出黎既音樂得到人認同，再到我地就快出我地既第一張 CD 專輯…如果我重新走過以前既路，呢一切一切可能唔會發生。

我有後悔曾經走錯路，但係同時我亦無後悔我行左而家我行緊既路。哈，有陣時人就係咁矛盾。不過，個 Main Point 係，一切發生過既，已經冇辦法返轉頭，而家呢條路，我要繼續走落去，我已經錯失左一個機會，我唔想連而家呢個機會都失去。

唯有盼望我從前做錯既一切，於未來可以出現一個機會俾我去補救，而我，一定會盡我既努力去補救。

夢未以求

作曲：海藍 Joanna
填詞：海藍 Joanna
編曲：海藍 Joanna

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

氹氹轉兜多轉　看穿幾多片段　讓愛每天　一點一點耗損
難忘那天轉身離開多遠　為何忍心拋低我自轉

何時我開始覺得相識得太倦　沒有發展　可知這心更酸
曾嘗試到天邊仍走一遍　為何多辛苦你沒看見

寧願沒記起　曾伴我嬉戲　如何盡力忘記　仍沒法放棄自欺
童年回憶　卻不可一生希冀　從沒有歡欣結尾

從來也不相信你竟貪新厭舊　自你遠走　添加深刻缺口
明瞭再講亦是難給補救　但求一聲總好過沒有

情若沒法比　仍願記不起　為何盡力忘記　仍沒法放棄自欺
童年回憶　每一刻應該很美　才讓我一生銘記

期待著某天　尋覓到溫暖　明白舊事難變　仍願往昔會逆轉
來日若見面　哪管一世亦被騙　早知道　美夢難圓

Specially dedicated to Dad

網上流傳 KJ 新歌《事過境遷》於 CD 未推出前經已流出…哈！好搞笑，亦好無奈！事過境遷都錄左超過半年時間嚕，係當時 KJ 幫 Cmidi 另一位會員既創作而錄音。當時錄音設備已經改良，加上 KJ 唱功都不錯 XD 把聲錄得好清，反而會被誤會係 CD 版，但係原來冇人留意到首歌既 Melody Mix 得好拆，同埋條結他 Track 大細聲有問題，尤其係 Ending 會特別顯眼。

況且，事過境遷除左係我填詞之外，作曲、編曲都係阿 Lok，都唔係 Royals 成員又點會有呢隻作品晌隻 CD 度呢？外面 d 論壇真係作得就作…之前將 d 歌砌砌埋埋話 KJ 已經出左碟都算啦，擺埋星雨唱既當 KJ 唱既…亦算啦…今次竟然係傳話 CD 既歌流傳出去 =_=" 洗唔洗咁誇呀！？

最無奈係隻碟既監製 – RYJ @ i010 Music 出到黎講話隻碟唔會有呢隻歌，都有人懷疑，仲反問返 RYJ 話：「唔係喎？我晌 WinMX 搵到真係好清喎！真係好似 CD 版喎！」呢個人諗乜呢 =_=